شیرجنگل خوسه گیلان زمینم

شیرجنگل خوسه گیلان زمینم

باغ کوتام می قفسه شالیزار می نفسه

اگه می دس آسینه جوراگیرم دگفم شونده کله

واش ولگه واچینم شونده ازریشه چینم

تامی پا به گیل دره تا می دسته بیل دره

خوک غیض می دل دره

ولانم می توم بیجاره بچره

ئیتا می خوشه برنجه واچره

تومی اآبله پایه نوادین

می تنه پاره چوخایه نوادین

من ائیتا پارچه هاچین آتشمه

آتشه سرکشمه

غیرمی چانچو که می شانه سره سورخه کنه

زیرباره لوفته کس نشمه

نوادین می خانه جور گالپوشیه

نوادین می صحراتن خاموشیه

مارمی ورجا ایگانه خومهره ی

خودومه گرگه کنه جیگادهه

وقتی ماشه اوسانم اشپهتکا

یکهو ازخوجاجهه

ده نگرده امی خانه دور ور

نیصف شب ده نایه می مرغه بسر

مره پخمه چی دی نی دره می مشته میان زندگانی

اگه دونیایه مرا سخت بیگرید

جه می دس می حال ومال فاگیرید

شب شمه گوماره ور تور واشانم

می چراغ سوتکا چولی گیرم

یازنم انجیره می قرماقه لج

تاودم آبه میان کولی گیرم

مره پخمه چی دینی دره می مشته میان زندگانی

تی مانستان من اگرپله روپله دیچینم

چومه سر چوم فوچینم

کی وا اجنگلانه باغه کونه

تنوره زندگیه داغه کونه

تو دری خوابه و نانی من چی کشم

شب که تی سر نهه نازبالشه سر

اون منم که وابشم باغه میان تا گیل دیل

ریشه تازه نهال فزنم

گلابی دارانه پیوندبزنم

شیرجنگل خوسه گیلان زمینم

باغ کوتام می قفسه شالیزار می نفسه

تابگرده شیمی چرخه زندگی

مره نهه دوندگی

اشعاراززنده یلدشیون فومنی